Parliament of Tanzania

MHE. JOSEPHAT GWAJIMA AHOJIWA NA KAMATI YA HAKI, MAADILI NA MADARAKA YA BUNGE

Mbunge wa Kawe, Mheshimiwa Josephat Gwajima amehojiwa na Kamati ya Haki, Maadili na Madaraka ya Bunge huku shauri lake likitarajiwa kuendelea Jumatano tarehe 25 Agosti, 2021.


Akizungumza mara baada ya mahojiano hayo, Mwenyekiti wa Kamati hiyo, Mheshimiwa Emmanuel Mwakasaka alisema Mheshimiwa Gwajima ametoa ushirikiano wa kutosha kwa Kamati ambayo kazi yake ni kuchunguza Mbunge anayekiuka maadili na Kanuni za Bunge.


Alisema Kamati ikimaliza kazi yake itapeleka mapendekezo yake kwa Spika wa Bunge, Mheshimiwa Job Ndugai kwa kuwa ndiye mwenye shauri hilo.


Alisema kitendo cha Mheshimiwa Gwajima kuhojiwa kwa siku mbili ni cha kawaida kwa kuwa walikutana na mbunge huyo mchana hivyo hawakuweza kumaliza.


Mheshimiwa Gwajima alihojiwa na Kamati ya Haki, Maadili na Madaraka ya Bunge kwa muda wa takribani saa mbili.

Hon. Job Y. Ndugai

Speaker of the National Assembly

Legislative Role

Profile

Ask the Speaker / Comments

Ms. Nenelwa J. Mwihambi

Clerk of the National Assembly

Legislative Role

Profile

Ask the Clerk / Comments

Member of the Parliament

View All MP's