Parliament of Tanzania

Honourable Dr. Chrisant Majiyatanga Mzindakaya [CCM]
Kwela Constituency

Session No

Principal Question No

To the Ministry of

Sector

Date Asked

INFRASTRUCTURE DEVELOPMENT

Works

7 February 2006

Kwa kuwa upo umuhimu wa kibiashara kati ya Tanzania na Zambia, Kongo (DRC) na Burundi;

Je, Serikali inaweza kutamka rasmi ni lini Bandari ya Kasanga itakamilika kujengwa na lini barabara ya lami kati ya Sumbawanga na Mbale Zambia itajengwa?

ANSWERS TO PRINCIPAL QUESTION #3 SESSION # 2

Answer From Hon. Mahanga, Dr. Milton Makongoro
INFRASTRUCTURE DEVELOPMENT

NAIBU WAZIRI alijibu:-

Mheshimiwa Spika, kwa niaba ya Waziri wa Miundombinu kabla sijajibu swali la Mheshimiwa Dr. Chrisant Majiyatanga Mzindakaya, Mbunge wa Kwela, napenda kutoa maelezo ya utangulizi kama ifuatavyo:-

Mheshimiwa Spika, Serikali inatambua umuhimu wa kibiashara uliopo kati ya Tanzania na nchi za jirani za Zambia, Kongo (DRC) na Burundi. Kwa kuzingatia umuhimu huo, mwezi Novemba, 2004 Serikali ya Awamu ya Tatu ilianzisha Mamlaka ya Usimamizi wa Bandari zote nchini Tanzania Ports Authority (TPA) kwa madhumuni ya kusimamia na kuziendesha Bandari za Maziwa kwa kasi kubwa zaidi. Aidha, ipo mipango na mikakati ya kutumia kikamilifu fursa ya kuwa na bandari hizi ili ichangie vema katika kukuza uchumi na kupunguza umaskini.

Mheshimiwa Spika, baada ya maelezo hayo mafupi, sasa napenda kujibu swali la Mheshimiwa Dr. Chrisant Majiyatanga Mzindakaya, kama ifuatavyo:-

Mheshimiwa Spika, kwa mwaka wa fedha wa 2005/2006, Serikali ilitenga kiasi cha shilingi milioni 400 kwa ajili ya kuziendeleza Bandari za Maziwa. Kati ya hizo, Bandari za Ziwa Tanganyika ikiwemo Kasanga zimetengewa shilingi milioni 150. Kiasi hiki cha fedha zilizotengwa ni kidogo sana ikilinganishwa na hali mbaya ya miundombinu katika bandari za Maziwa. Juhudi za kutafuta fedha zaidi zinaendelea ambapo Mamlaka ya Usimamizi wa Bandari katika mwaka wa fedha wa 2005/2006, imepangwa kufanya utafiti kamambe na tayari Benki ya Dunia imekubali kutoa Dola za Kimarekani 800,000 kwa kazi hiyo.

Mheshimiwa Spika, kuhusu barabara, Serikali inatekeleza miradi ya ujenzi wa barabara kuu za lami kwa kufuata Kanda Kuu za Usafirishaji ambayo nayo inategemea upatikanaji wa fedha. Kwa msingi huo miradi hii ya barabara kuu za lami inatekelezwa kwa awamu. Kwa upande wa Ukanda wa Usafirishaji wa Magharibi ambao unajumuisha barabara ya Sumbawanga - Kasesya - Mbala kule Zambia, Serikali imeona ianze kwanza ujenzi wa kiwango cha lami wa barabara ya Tunduma kwenda Sumbawanga na hatimaye Sumbawanga - Mpanda - Kigoma kwa awamu. Pia ujenzi wa sehemu ya barabara ya Sumbawanga - Kasesya - Mbale kwa kiwango cha lami utatekelezwa kwa awamu itakayofuata kutegemea upatikanaji wa fedha. Kutokana na umuhimu wa barabara hiyo, matengenezo kwa kiwango cha changarawe yataendelea ili kuhakikisha kuwa barabara wakati wote.

Records 1 to 1 of 181

Last